SIMRI

[manipud iti sao a ti kaipapananna ket “guardia”].

1. Simeonita nga inapo ti maysa kadagiti panguluen a nangpalawa iti teritoria ti tribu idi kaaldawan ni Ezekias.​—1Cr 4:24, 37-41.

2. Ama ti nabileg a lalaki ni David a ni Jediael ken nalabit ama met laeng ni “Joha a kabsatna a Tizita.”​—1Cr 11:26, 45.

3. Maysa a Merarita nga anak ni Hosa a karaman kadagiti Levita nga agay-aywan iti ruangan a napili babaen ti binnunot nga agpaay iti annong iti laud ti santuario. Nupay saan a ni Simri ti inauna nga anak ni Hosa, dinutokan ni amana kas pannakaulo iti balay ti amma.​—1Cr 26:10, 12, 13, 16.

4. Maysa kadagiti Levita a timmulong a nangibelleng kadagiti narugit a banag nga inikkat ni Ezekias iti templo; kaputotan ni Elizafan.​—2Cr 29:12-16.