SIRION

Ti daan a Sidonio a nagan ti Bantay Hermon, ngem Senir ti inyawag dagiti Amoreo. (De 3:9) Agparang ti nagan a Sirion kadagiti teksto nga Ugaritiko a nasarakan idiay Ras Shamra iti igid ti baybay ti makin-amianan a Siria, iti kasta mapasingkedan ti kinaapag-isu ti Biblia. Kas iti Senir, mabalin a tumukoy met ti Sirion iti maysa a paset ti Bantay Hermon. (Idiligyo ti 1Cr 5:23.) Iti Salmo 29:6, agkadua a nadakamat ti Sirion ken Libano. Gapu itoy, naikuna a mabalin a tumukoy ti Sirion iti Kabambantayan ti Anti-Libano.​—Kitaenyo ti HERMON.