SUCCOT-BENOT

[Dagiti Abong-abong ni Benot].

Maysa a didiosen a nagdaydayawan dagiti taga Babilonia nga inyeg ti ari ti Asiria kadagiti siudad ti Samaria kalpasan ti panangidestierona kadagiti Israelita ti sangapulo-tribu a pagarian. (2Ar 17:30) Kunaen ti dadduma nga eskolar a ti nagan a “Succot-benot” ket maysa a Hebreo a porma ti Sarpanitu, ti asawa ni Merodac (Marduk). Adda met dagiti mangibaga nga isu dayta ni Merodac, wenno Marduk, ta ti nagan a “Succot-benot” mabalin a Sakut(h)banʼwat(h), kaipapananna ti “Manangbalakad, Namarsua iti Daga.” Maikunkuna a daytoy a titulo ket tumukoy ken Merodac, nga imbilang dagiti taga Babilonia kas namarsua iti lubong.