TATO

Maysa a permanente a marka wenno disenio iti kudil a maaramid babaen ti panangsugat iti kudil tapno mapataud dagiti piglat wenno babaen ti panangiserrek iti maris iti uneg ti kudil. Naiparit kadagiti Israelita daytoy a kaugalian, nupay kadawyan daytoy ti sumagmamano a grupo ti nagkauna a tattao. (Le 19:28) Kas pagarigan, adda idi dagiti tiempo nga intato dagiti Egipcio ti nagnagan wenno simbolo ti didiosenda iti barukong wenno iti takiagda. No tungpalen dagiti Israelita ti linteg ni Jehova a saanda a palaaden ti bagbagida, maidumada iti sabali a nasnasion. (De 14:1, 2) Daytoy a panangiparit ti nangigunamgunam met kadakuada iti umiso a panagraem iti bagi ti tao kas parsua ti Dios, a rumbeng a maaramat a pangidayaw kenkuana.​—Sal 100:3; 139:13-16; Ro 12:1.