TIMNAT-SERA

Ti siudad a naited ken Josue kas tawidna iti kabambantayan a rehion ti Efraim. Kiniddawna ti Timnat-sera, ket inted dayta kenkuana ti annak ti Israel “kas imbilin ni Jehova.” Binangon ni Josue ti siudad ket idi agangay naitabon sadiay. (Jos 19:49, 50; 24:30) Iti Hebreo a Masoretiko a teksto ken iti Griego a Septuagint, ti mabasa iti Uk-ukom 2:9 ket “Timnat-heres” imbes a “Timnat-sera.” Saan nga ammo no ania ti makagapu itoy a panagduma dagiti nagan.

Adda dagiti mangibaga a ti Timnat-sera ket isu ti Khirbet Tibnah, agarup 30 km (19 mi) iti abagatan a laud ti Siquem. Yantangay adda iti makinlaud nga igid ti kabambantayan a rehion, matannawagan ti Khirbet Tibnah ti tanap iti igid ti baybay. Ti Bantay Gaas, nga adda iti abagatan ti Timnat-sera (Timnat-heres) (Jos 24:30; Uk 2:9), ket saanen a masinunuo ti eksakto nga ayanna ita.