ULAI

Maysa a “pagay-ayusan ti danum” a lumasat a mismo iti Susan (Susa) idiay Elam wenno iti asidegna. Iti igid ti Ulai, naipaay ken Daniel ti sirmata maipapan iti kalakian a karnero ken kalakian a kalding. Saan a masinunuo no ti mammadto ket aktual a napan sadiay manipud Babilonia wenno naipan iti dayta a disso babaen ti sirmata. (Da 8:1-3, 6, 16) Nagduduma dagiti pagarup maipapan iti Ulai, ken narigat nga ammuen no sadino ti ayanna agsipud ta adda nagbaliwan ti turong dagiti karayan iti aglikmut bayat ti panaglabas dagiti siglo. Adda dagiti mangibaga a ti Ulai ket isu ti Karayan Karkheh. Kuna met ti dadduma a maysa daytoy nga artipisial a kanal nga agturong iti amianan wenno amianan a daya ti Susan a mamagsilpo iti Karkheh ken ti sabali pay a karayan.