UZZEN-SEERA

[mabalin a, Lapayag ni Seera].

Maysa a siudad nga imbangon ni Seera, a maysa a babai nga Efraimita. Saan a naibaga no iti ania nga anag a “binangonna”; nalabit gapu ta dakkel ti naitulongna iti panagrang-ay ken pannakapasayaat dayta a siudad ken ti dadduma pay a lugar a nadakamat. (1Cr 7:22-24) Saan a masinunuo ti ayan ti Uzzen-seera. Nupay kasta, kunaen ti dadduma a geograpo nga isu dayta ti Beit Sira, agarup 4 km (2 mi) iti laud ti maikunkuna a disso ti Makimbaba a Bet-horon ken agarup 21 km (13 mi) iti amianan a laud ti Jerusalem.