UZZIEL

[Ti Dios ket Pigsa].

1. Kaudian a nadakamat iti uppat nga annak ni Cohat; apoko ni Levi; uliteg da Moises ken Aaron. Tallo nga annak ni Uzziel, da Misael, El(i)zafan, ken Sitri, ti nagbalin a pannakaulo dagiti pamilia ti tribu iti Levi.​—Ex 6:16, 18, 20, 22; Le 10:4; Nu 3:19, 30; 1Cr 6:2, 18; 23:12; kitaenyo ti UZZIELITA, DAGITI.

2. Ulo ti pamilia iti tribu ni Benjamin; anak wenno kaputotan ni Bela.​—1Cr 7:6, 7.

3. Maysa a Levita a musikero a kameng ti pamilia ni Heman, nadutokan a mangidaulo iti inorganisar ni David a maika-11 a grupo ti panagserbi kas musikero; naawagan met iti Azarel.​—1Cr 25:1, 4, 18.

4. Levita a kaputotan ni Jedutun a timmulong a nangibelleng kadagiti narugit a banag a naikkat iti templo idi nangrugi ti panagturay ni Ezekias.​—2Cr 29:12, 14, 16.

5. Maysa kadagiti uppat a Simeonita nga annak ni Isi a nangidaulo iti 500 a lallaki a napan idiay Bantay Seir tapno parmekenda ti natda kadagiti Amalekita ken tapno agnaedda sadiay; kapatadan ni Ezekias.​—1Cr 4:41-43.

6. Maysa nga agpampanday iti balitok a timmulong a nangtarimaan iti pader ti Jerusalem iti sidong ti panangidaulo ni Nehemias; anak ni Harhaias.​—Ne 3:8.