ZALMON

1. Maysa nga Ahohita a mannakigubat ni David. (2Sm 23:8, 28) Nalawag a naawagan Ilai iti 1 Cronicas 11:29.

2. Maysa a bantay iti asideg ti Siquem. Manipud Bantay Zalmon, ni Abimelec ken ti buyotna nagpukanda iti kayo a pinangpuorda iti immarko a pagkamangan a kukua ti siudad ti Siquem. (Uk 9:48, 49) Yantangay ti kakaisuna a bambantay iti asideg ti Siquem ket ti Ebal ken Gerizim, ti Zalmon ket mabalin a tapaw wenno darisdis ti maysa kadagitoy a bantay, wenno maysa dayta a di unay pagaammo a turod iti asideg.

3. Maysa a nangato a tapaw a nabatad nga adda idiay Basan, iti daya ti Jordan. (Sal 68:14, 15) Nalabit dayta ti kangatuan a tapaw ti Bantay Hauran (Jebel ed Druz).