NAREGTA, DAYDIAY

Nayawag ken apostol Simon tapno maiduma ken apostol Simon Pedro; nabatad a dayta ti katupag ti termino a “Cananeo” nga inusar da Mateo ken Marcos. (Mt 10:4; Mr 3:18; Lu 6:15; Ara 1:13) Ti pannakaawag ni Simon kas “daydiay naregta” (Gr. Ze·lo·tenʹ) saanna a kayat a sawen nga isu ket sigud a kameng ti napolitikaan a grupo a naawagan Dagiti Napeklan (Zealot). Mabalin a nayawag kenkuana daytoy kas mayanatup a pangiladawan iti personalidadna.