ZEBUL

[Panangpanuynoy; wenno, mabalin a, Nangato a Pagyanan (Pagnaedan)].

Maysa a nangato nga opisial iti siudad ti Siquem ken adipen ni Abimelec nga anak ni Gideon. Ni Zebul impakaammona ken Abimelec ti ipapan idiay Siquem ti maysa nga agnagan Gaal ken ti kakabsatna a nangpadas a nangguyugoy iti siudad a bumusor ken Abimelec. Idi agangay, kinarit ni Zebul ti panguluen dagiti rebelde a ni Gaal a paneknekanna ti kinapasindayagna babaen iti panagrangetda. Naabak dagiti rebelde a Siquemita ket pinagtalaw ni Zebul manipud iti siudad da Gaal ken ti kakabsatna.​—Uk 9:26-41.