ZICRI

[napaababa a porma ti Zacarias, kaipapananna ti “Linagip ni Jehova”].

1. Maikatlo a nainaganan nga anak ni Izar; apoko ni Cohat, maysa a Levita.​—Ex 6:18, 21.

2, 3, 4. Tallo a pannakaulo ti pamilia a kameng ti tribu ni Benjamin, a nagnaed idiay Jerusalem. Dagitoy ket annak wenno kaputotan da Simei, Sasac, ken Jeroham.​—1Cr 8:1, 19, 21, 23, 25, 27, 28.

5. Maysa nga anak ni Asaf, ken inapo ti musikero a ni Matanias a nagbiag kalpasan ti pannakaidestiero. (1Cr 9:15) Mabalin a naawagan iti Zabdi (Ne 11:17) ken Zacur iti dadduma a teksto.​—1Cr 25:2, 10; Ne 12:35.

6. Maysa a Levita a kaputotan ni Moises babaen ken Eliezer; ama wenno inapo ti Selomot a nadutokan nga agaywan kadagiti gameng ti bambanag a naala iti gubat bayat ti panagturay ni David.​—1Cr 26:25-27; 23:15, 17.

7. Maysa a Rubenita a ti anakna a ni Eliezer ket panguluen ti tribu bayat ti panagturay ni David.​—1Cr 27:16.

8. Maysa a lalaki a taga Juda a ti anakna a ni Amasias ket panguluen iti militaria ni Ari Jehosafat.​—2Cr 17:12, 14, 16.

9. Ama ti Elisafat a timmulong ken Jehoiada a nangparmek ken Athalia.​—2Cr 23:1.

10. Maysa a nabileg a mannakigubat nga Efraimita iti buyot ti makin-amianan a pagarian a nangraut iti Juda idi agarup 760 K.K.P. Pinapatay ni Zicri ti tallo a natan-ok a kameng ti sangakabbalayan ni Ari Acaz, a pakairamanan ti maysa a prinsipe nga anak ti ari.​—2Cr 28:6, 7.

11. Maysa a Benjamita a ti anakna a ni Joel ket manangaywan kadagiti Benjamita a nagnaed idiay Jerusalem kalpasan ti pannakaidestiero.​—Ne 11:3, 4, 7, 9.

12. Pannakaulo ti napadian a sangakabbalayan ni Abias iti dasig ti ama bayat ti tiempo ni Joiaquim a simmuno iti nangato a padi a ni Jesua.​—Ne 12:12, 17.