ZOFAR

Maysa kadagiti tallo a “kakadua” ni Job; maysa a Naamatita. (Job 2:11) Ni Zofar ti maikatlo a nagsao iti pannakidebate ken Job. Kaaduanna a ti wagas ti panagrasrason ni Zofar ket kas met laeng iti panagrasrason da Elifaz ken Bildad; inakusarna ni Job nga agar-aramid iti kinadangkes, nga imbagana kenkuana a tallikudanna dagiti managbasol nga aramidna. (Job kap 11, 20) Ngem kalpasan ti dua a rikus, simmardeng ni Zofar; naisawangnan ti mangkondenar a sasaona ket awanen ti mainayonna pay iti maikatlo a rikus. Idi kamaudiananna, imbilin ni Jehova nga isu ken ti kakaduana mangidatonda iti naindaklan a sakripisio ket ni Job ikararaganna ida.​—Job 42:7-9.