ZORA

Maysa a siudad iti Sefela a naituding a kukua ti tribu ni Juda. (Jos 15:20, 33) Masarakan dayta iti nagbaetan ti Juda ken Dan, ngem ti nagnaed sadiay ket dagiti umili ti Dan. (Jos 19:41, 48; Uk 18:2, 8, 11) Ti Danita a ni Samson ket nayanak idiay Zora ken naitabon iti kabangibangna a lugar. (Uk 13:2, 24, 25; 16:31) Ti siudad ket sinarikedkedan ni Ari Rehoboam, nalabit gapu iti nagsayaat nga ayanna, agarup 25 km (16 mi) iti laud ti Jerusalem. (2Cr 11:5, 10) Ti Zora ket nagnaedan manen ti sumagmamano nga annak ni Juda a nagsubli manipud pannakaidestiero idiay Babilonia. (Ne 11:25, 29) Maikunkuna nga isu ti agdama-aldaw a Sarʽah (Tel Zorʽa), iti makin-amianan a deppaar ti maibagbaga a Ginget ti Sorec.