‘Kasapulanmi Dagiti Mapagtalkan a Tattao’

KARKARNA ti kinamapagtalkan iti lubong ita. Kaskasdi, maysa dayta a kangrunaan a makalikaguman kadagiti Kristiano. Insurat ni Pablo: “Kayatmi ti agbiag a mapagtalkan iti isuamin a bambanag.” (Hebreo 13:18) Daytoy ti kayat nga aramiden ni Wilma, maysa kadagiti Saksi ni Jehova idiay Faenza, Italia.

Salaysayen ti pagiwarnak nga Il Resto del Carlino nga idi nakasarak ti pitaka a naglaon iti dakkel a kantidad ti kuarta iti ruar ti supermarket iti siudad a pagnanaedanna, intedna dayta iti polisia a “di nagtaktak” tapno maisubli iti makinkukua.

Idi nadamag daytoy ti mayor, dagus a nangipatulod iti ababa a mensahe iti panagyaman ken ni Wilma. “Iti nagan ti Siudad,” insuratna, “naimpusuan nga agyamanak kenka gapu iti nasayaat nga inaramidmo. Ti natan-ok a siudadtayo a Faenza kasapulanna dagiti nasayaat ken mapagtalkan a tattao.”

Aglatak man wenno saan dagiti nasayaat nga aramid, rumbeng a kanayon nga ikagumaantayo ti agbalin a mapagtalkan. Kas ibalakad ti Nasantuan a Kasuratan, “ikagumaanmi ti agaramid iti nalinteg saan laeng nga iti imatang ti Dios no di ket kasta met iti imatang dagiti tattao.”​—2 Corinto 8:21, The Jerusalem Bible.