Para Kadakayo nga Agtutubo

Saan a Mangidumduma ti Dios

Instruksion: Usigem daytoy iti naulimek nga aglawlaw. Bayat a basbasaem dagiti teksto, darepdepem a karamanka iti eksena ken mangmangngegmo dagiti timek. Riknaem ti emosion dagiti kangrunaan a karakter. Aramidem a nabiag iti isipmo ti eksena.

Dagiti kangrunaan a karakter: Cornelio, Pedro

Sumario: Impakita ni Pedro ti galad ti Dios a saan a panangidumduma idi kinasabaanna ti maysa a Gentil nga agnagan Cornelio.

1 USIGEM TI EKSENA.​—BASAEM TI ARAMID 10:1-35, 44-48.

Deskribirem ti mapampanunotmo a langa ni Cornelio.

․․․․․

Ania ti mapanunotmo a rikna ni Cornelio bayat a makisarsarita iti anghel, kas mabasa iti bersikulo 3 agingga iti 6?

․․․․․

Ania ti mapanunotmo a nagsaritaan da Cornelio ken dagiti katulonganna, kas ipasimudaag ti bersikulo 7 ken 8?

․․․․․

2 SUKIMATEM A NAIMBAG.

Apay nga epektibo ti ilustrasion a naipakita ken Pedro iti bersikulo 10 agingga iti 16? (Pangripiripan: Usigem ti nalikudan ni Pedro kas maysa a Judio, sigun iti naipasimudaag iti bersikulo 14.)

․․․․․

Ania a kababalin ni Cornelio ti makitam iti bersikulo 25. Apay a mabalin a manmano ti kasta a kababalin kadagiti nangato ti saadna? (Pangripiripan: Kitaem ti bersikulo 1.)

․․․․․

Agsukimatka kadagiti reperensia nga adda kenka ket ammuem no mano a lallaki ti mangbukel iti Italiano a buyot nga idadauluan ni Cornelio.

․․․․․

Apay a nangnangruna a makapainteres ti pannakakomberte ni Cornelio?

․․․․․

3 IYAPLIKARMO TI NAADALMO. ISURATMO NO ANIA TI NAADALMO MAIPAPAN ITI . . .

Epektibo a panangusar kadagiti ilustrasion.

․․․․․

Saan a panangidumduma ti Dios.

․․․․․

Pamay-an a maipakitam met ti saan a panangidumduma.

․․․․․

4 ANIA A PASET DAYTOY A SALAYSAY TI KANGRUNAAN A NANGTUKAY ITI RIKNAM, KEN APAY?

․․․․․

NO AWAN TI BIBLIAM, AGKIDDAWKA KADAGITI SAKSI NI JEHOVA, WENNO BASAEM ITI www.watchtower.org