Para Kadagiti Agtutubo

No Kasano a Pagkedkedam ti Sulisog

JOSE​—PASET 1

Instruksion: Usigem daytoy iti naulimek nga aglawlaw. Bayat a basbasaem dagiti teksto, panunotem a karamanka iti eksena ken mangmangngegmo dagiti timek. Riknaem ti emosion dagiti kangrunaan a karakter. Biagem ti eksena iti isipmo.

Dagiti kangrunaan a karakter: Ni Jose ken ti asawa ni Potifar

Sumario: Pagkedkedan ni Jose ti panangsulisog kenkuana ti asawa ni Potifar.

1 USIGEM TI EKSENA.​—BASAEM TI GENESIS 39:1-12.

Apay a maibagam a nalawa ti balay ni Potifar?

․․․․․

Iladawam ti langa ni Jose. (Makatulong no basaem manen ti bersikulo 6.)

․․․․․

Ania nga emosion ti madlawmo iti timek ni Jose idi nakisarita iti asawa ni Potifar iti bersikulo 8 ken 9?

․․․․․

2 SUKIMATEM A NAIMBAG.

Apay a mabalin a nalaka la koma a nasulisog ni Jose a makidenna? (Makatulong no basaem ti Filipos 2:12, ken panunotem dagiti kasasaad ni Jose. Kas pagarigan, ayan idi dagiti kapamilia ni Jose ken dagiti padana nga agdaydayaw ken Jehova?)

․․․․․

Panagkunam, apay a narikna ni Jose a basol iti Dios ti pannakikamalala, nupay awan met ti linteg ti Dios idi a mangiparit iti dayta? (Makatulong no basaem ken usigem dagitoy a teksto: Genesis 2:24; 12:17, 18; Roma 2:14, 15; ken Hebreo 5:14.)

․․․․․

3 IYAPLIKARMO TI NAADALMO. ISURATMO NO ANIA TI NAADALMO MAIPAPAN ITI . . .

Pakainaigan ti panagteppel ken ti dignidad.

․․․․․

Gunggona dagidiay mangsurot kadagiti moral a pagalagadan ti Dios.

․․․․․

Kinapateg ti panangsanay iti panunotmo a mangilasin iti naimbag ken dakes. (Hebreo 5:14)

․․․․․

DADDUMA PAY NGA APLIKASION.

Kadagiti ania nga aspeto iti biag a maipakitam a natibtibker ti determinasionmo nga agkedked iti sulisog a makidenna? (Makatulong no basaem ken usigem ti Job 31:1; Salmo 119:37; Efeso 5:3, 4.)

․․․․․

4 ANIA A PASET DAYTOY A SALAYSAY TI KANGRUNAAN A NANGTUKAY ITI RIKNAM, KEN APAY?

․․․․․

No awan ti bibliam, agkiddawka kadagiti Saksi ni Jehova, wenno basaem iti www.watchtower.org