SUNGBAT DAGITI SALUDSOD MAIPAPAN ITI BIBLIA

Sadino ti Nagtaudan ti Diablo?

Saan a ti Dios ti nangparsua iti Diablo. Imbes ketdi, pinarsua ti Dios ti anghel nga idi agangay nagbalin a Diablo, a maawagan met iti Satanas. Impakita ni Jesus nga idi damo ti Diablo ket napudno ken awanan basol. Ngarud ti Diablo ket maysa idi a nalinteg nga anghel nga anak ti Dios.​—Basaem ti Juan 8:44.

Kasano a nagbalin a Diablo ti maysa nga anghel?

Ti anghel a nagbalin a Diablo binusorna ti Dios ken inallukoyna ti immuna nga agassawa a makikadua kenkuana. Gapuna, pinagbalinna ti bagina a Satanas, kayatna a sawen “Bumusbusor.”​—Basaem ti Genesis 3:1-5; Apocalipsis 12:9.

Kas iti dadduma a nasaririt a parsua ti Dios, ti anghel a nagbalin a Diablo ket adda wayawayana nga agpili nga agaramid iti naimbag ken dakes, ngem kayatna nga isu ti maidayaw. Napigpigsa ti tarigagayna a maidayaw ngem ti mangparagsak iti Dios.​—Basaem ti Mateo 4:8, 9; Santiago 1:13, 14.

Kasano nga agtultuloy ti Diablo a mangim-impluensia kadagiti tattao? Masapul kadi a pagbutngam? Maammuam iti Biblia ti sungbat dagitoy a saludsod.