Baro a Kameng ti Bagi a Manarawidwid

Idi agsapa ti Mierkoles, Septiembre 5, 2012, naipakaammo iti pamilia ti Bethel iti United States ken Canada a ni Mark Sanderson ket nainayon kas baro a kameng ti Bagi a Manarawidwid dagiti Saksi ni Jehova. Inrugina ti agserbi iti dayta nga annongen idi Septiembre 1, 2012.

Dimmakkel ni Kabsat Sanderson iti San Diego, California, U.S.A., iti poder dagiti Kristiano a nagannakna ket nabautisaran idi Pebrero 9, 1975. Nangrugi nga agpayunir idi Septiembre 1, 1983 iti Saskatchewan, Canada. Idi Disiembre 1990, nagturpos iti maikapito a klase ti Ministerial Training School (maawagan itan iti Bible School for Single Brothers) iti United States. Nadutokan ni Kabsat Sanderson nga agserbi kas special pioneer iti isla ti Newfoundland, Canada, idi Abril 1991. Kalpasan ti panagserbina kas suno a manangaywan iti sirkito, naawis nga agbalin a kameng ti pamilia ti Bethel iti Canada idi Pebrero 1997. Idi Nobiembre 2000, nayakar ni Kabsat Sanderson iti sanga nga opisina iti United States ket nagtrabaho iti Hospital Information Services ken idi agangay iti Service Department.

Idi Septiembre 2008, naawis nga ageskuela ni Kabsat Sanderson iti School for Branch Committee Members. Idi agangay, nadutokan kas kameng ti Komite ti Sanga nga Opisina iti Pilipinas. Idi Septiembre 2010, naawis nga agsubli iti United States ket nagserbi kas katulongan iti Service Committee ti Bagi a Manarawidwid.