Ania ti Kuna ti Biblia?

Gapuanan kadi ti Dios ti panagrigrigat?

Ania ti makunam?

• Wen

• Saan

• Siguro

Ti kuna ti Biblia

‘Adayo iti pudno a Dios nga agtignay a sidadangkes, ken iti Mannakabalin-amin nga agtignay a di nainkalintegan!’ (Job 34:10) Pulos a saan a gapuanan ti Dios ti kinadakes ken panagrigrigat wenno panagsagaba.

Ania pay ti maammuantayo iti Biblia?

• Ni Satanas a Diablo nga “agturay iti lubong,” ti kangrunaan a makagapu iti panagsagaba.—Juan 14:30.

• Masansan met nga agresulta iti panagrigrigat ken kinadakes ti di umiso a desision ti tattao.—Santiago 1:14, 15.

Agpatingganto pay ngata ti panagrigrigat?

Adda dagiti mamati a kabaelan ti tattao a pagpatinggaen ti panagrigrigat no agtitinnulongda. Kuna met ti dadduma a kasla saanen a sumayaat ti kasasaad ti lubong. Ania ti makunam?

Ti kuna ti Biblia

Pagpatinggaento ti Dios ti panagrigrigat. ‘Awanton ni patay, panagleddaang, panagsangit wenno ut-ot.’—Apocalipsis 21:3, 4.

Ania pay ti maammuantayo iti Biblia?

• Ti Dios usarennanto ni Jesus a mangikkat iti panagsagaba a gapuanan ti Diablo.—1 Juan 3:8.

• Natalnanto ti biag dagiti nasingpet a tattao ditoy daga iti agnanayon.—Salmo 37:9-11, 29.