Ania ti Kuna ti Biblia?

Maaddanto pay ngata ti talna ditoy daga?

Panagkunam?

• Wen

• Saan

• Siguro

Ti kuna ti Biblia

Inton agturay ni Jesu-Kristo, ‘naruayto ti talna agingga nga awanen ti bulan’—kayatna a sawen, agnanayon.—Salmo 72:7.

Ania pay ti maammuantayo iti Biblia?

• Awanton dagiti managdakdakes ditoy daga ket maragsakanto dagiti naimbag a tattao “iti napalalo iti kinaruay ti talna.”—Salmo 37:10, 11.

• Pagpatinggaenton ti Dios ti amin a gubat.—Salmo 46:8, 9.

Posible ngata ti maaddaan ita iti pudpudno a talna ti panunot?

Adda dagiti mamati . . . a ditayo maaddaan iti pudpudno a talna ti panunot agingga nga adda panagrigrigat ken kinaawan hustisia. Ania ti makunam?

Ti kuna ti Biblia

Uray itan, dagiti gagayyem ti Dios ket mabalin a maaddaan iti “talna ti Dios a mangringbaw iti isuamin a panunot.”—Filipos 4:6, 7.

Ania pay ti maammuantayo iti Biblia?

• Inkari ti Dios nga ikkatenna ti panagrigrigat ken kinaawan hustisia, a ‘pagbalinenna a baro ti amin a bambanag.’—Apocalipsis 21:4, 5.

• Mabalintayo a maaddaan iti talna ti panunot no asikasuentayo ti ‘naespirituan a kasapulantayo.’—Mateo 5:3.