Ania Ti Makunam?

Makatulong kadi ti Biblia tapno agbalinka a gayyem ti Dios?

ADDA DAGITI MAMATI . . .

nga imposible nga agbalinda a gayyem ti Dios gapu ta mariknada a narugit wenno managbasolda. Kuna met ti dadduma nga awan bibiang ti Dios kadatayo. Sika ngay?

TI KUNA TI BIBLIA

‘Nasinged’ a gayyem ti Dios dagiti nalinteg. (Proverbio 3:32) No agtulnogtayo iti Dios, agbalintayo a gayyemna.

ANIA PAY TI MASURSUROTAYO ITI BIBLIA?

Kayat ti Dios ti makigayyem kadatayo.—Santiago 4:8.
Kas maysa a Gayyem, nakasagana ti Dios a tumulong ken mangpakawan.—Salmo 86:5.
Dagiti gagayyem ti Dios ayatenda dagiti ay-ayatenna ken guraenda dagiti kagurana.—Roma 12:9.

Para iti ad-adu pay nga impormasion no kasano ti agbiag iti pamay-an a makaay-ayo iti Dios, kitaem ti kapitulo 12 daytoy a libro, Ania a Talaga ti Isursuro ti Biblia?, nga impablaak dagiti Saksi ni Jehova. Mabasa met daytoy iti www.jw.org/ilo