Sarunuenyo Dagiti Naipaima a Magasin ken Broshur
1 Pinaregta ni Jesus dagiti pasurotna nga agaramidda ti disipulo. (Mat. 28:19) Kaipapanan dayta a saan laeng a basta agipaima ti literatura; masapul ti sarungkar a mangted iti kanayonan a naespirituan a tulong kadagidiay mangipakita ti interes.
2 No ilawlawagtayo ti maysa nga artikulo iti maysa kadagiti magasin iti umuna nga ipapan, nasayaat no malawagan iti isu met laeng a suheto no agsarungkartayo:
◼ “Idi simmarungkarak kadakayo, impakitak ti maysa nga artikulo Ti Pagwanawanan (wenno Agriingkayo!) a nangtulong kadatayo a mangipateg ti kasapulan a kumita iti Biblia. Ti panggep ti Dios a maipaay iti nasaysayaat a masanguanan ti sangatauan ti naisentro iti gobierno ti Pagarianna. Ibaga kadatayo ti Mikias 4:3, 4 a daytoy a Pagarian ti mangyeg ti panagngudo dagiti amin a gubgubat.” Kalpasan a mabasa ti kasuratan, maiyammo ti “Adtoy!” a broshur, ket maipakita ti ilusatrasion iti abbongna. Mausig ti umuna a parapo ken dagiti naisitar a kasuratan, nga ibaga a ti Mikias 4:3, 4 ket maysa kadakuada. Maiyurnos ti sarungkar tapno maitultuloy ti diskusion iti parapo 2.
3 No ti interes ti bumalay ket kalalainganna laeng wenno awan ti tiempona a makisao, nalabit a maikeddengyo laengen a mainayon ti naganna iti rutayo ti magasin:
◼ “Idinto ta naiyebkasyo ti interes kadagiti magasin a naibatik iti napalabas, kunaek a pagragsakanyo dagitoy kaudian a ruar. Patiek a makapainteres kadakayo daytoy maysa nga artikulo.” Itudoyo ti artikulo a mariknayo a makaallukoy kenkuana. Maitukon ti panagsubli agraman dagiti sumaruno a ruar.
4 No ti bumalay binasana dagiti magasin ken inyebkasna ti panangipateg kadakuada, mabalin a maikeddengyo nga itukon ti suskripsion:
◼ “Gapu ta magustuanyo Ti Pagwanawanan, maragsakanak a mangitulod kadagiti kaudian a ruar apaman a maimalditda. No kayatyo, maiyurnosko a maipatulod kadakayo a regular babaen ti koreo ket masiguroyo a maawat ti kada ruar.”
5 No broshur ti naipaima ngem saanyo a nagundawayan a naidemostra ti urnos iti panagadal, iplanoyo nga aramiden dayta inton sarungkaranyo.
Kas ehemplo, no “Gobierno” a broshur ti naibatiyo, kiddawenyo iti bumalay nga iruarna ti kopiana ken kunaenyo:
◼ “Siputanyo ditoy panid 3 no ania ti ibagana kadatayo maipapan iti tema ti mensahe ni Jesus nga inkasabana idi adda ditoy daga.” Sa basaen ti umuna a parapo. Awisen a bumasa iti parapo 2 ken 3, ket saludsoden kenkuana no ania ti makunana nga aramiden tapno makaadal pay ti adu. Kalpasanna kunaen: “Kayatko ti agsubli ket lawlawagantayo no apay a kumitatayo iti gobierno ti Dios a kas kakaisuna a namnama.”
6 Addaantayo ti nagduduma a broshur. Saraken dagiti makapainteres a puntos iti daydiay planoyo nga usaren. Tulongannakayo a mangparegta kadagiti sinsero a tattao a mangadal ti ad-adu maipapan kadagiti bambanag nga imbilin ni Jesus.—Mat. 28:20.