Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • km 7/01 p. 1
  • Dikay Bumdeng!

Awan video-na ti napilim.

Pasensiakan, adda problema iti pannakai-load ti video.

  • Dikay Bumdeng!
  • Ti Ministeriotayo iti Pagarian—2001
  • Umasping a Material
  • ‘Panangyeg iti Naimbag a Damag ti Maysa a Banag a Nasaysayaat’
    Ti Pagwanawanan Mangibumbunannag iti Pagarian ni Jehova—2005
  • No Kasano nga Agbalin kas Epektibo a Ministro
    Ti Pagwanawanan Mangibumbunannag iti Pagarian ni Jehova—1985
  • Panangparmek Kadagiti Karit iti Panangasaba iti Binalaybalay
    Ti Pagwanawanan Mangibumbunannag iti Pagarian ni Jehova—2008
  • Talaga Kadi a Maseknan Kenka ni Jehova?
    Ti Pagwanawanan Mangibumbunannag iti Pagarian ni Jehova—2013
Kitaen ti Ad-adu Pay
Ti Ministeriotayo iti Pagarian—2001
km 7/01 p. 1

Dikay Bumdeng!

1 No agsaganatayo a mapan mangasaba iti binalaybalay, mabalin a datayo a mismo ti kadakkelan a lapped, a saan ketdi a ti bumalay. Ti kinaawan kompiansa ti mabalin a mangigawid kadatayo a rummuar a mangibaga iti kinapudno iti “amin a kita ti tattao.” (1 Tim. 2:4) Ngem ditay koma bumdeng a mangikasaba iti naimbag a damag. Apay a saan?

2 Mensahe Daytoy ni Jehova: Nakisarita ni Jehova babaen ti Biblia. No idanontayo daytoy a mensahe kadagiti sabsabali, ipakpakaammotayo ti pampanunotna, saan a ti bukodtayo. (Rom. 10:13-15) No laksiden dagiti tattao ti mensahe ti Pagarian, ni Jehova ti talaga a laklaksidenda. Ngem saantay a maupay. Makapagtalektayo a daytoy a mensahe ti mangtignay iti interes kadagidiay agtarigagay iti panagbalbaliw ti kasasaad iti lubong ken dagidiay maseknan iti naespirituan a kasapulanda.—Ezeq. 9:4; Mat. 5:3, 6.

3 Awisen ni Jehovah Dagiti Tattao: Ti tao a nagkedked idi a dumngeg kadatayo ket mabalin a dumngeg itan agsipud ta nagbaliw ti kasasaadna ken limmuknengen ti pusona. Mabalin nga ipateg itan ni Jehova dayta a tao ket ‘iyasidegna.’ (Juan 6:44, 65) No mapasamak daytoy, kayattay ti sisasagana a pausar ken Jehova ken tumulok iti panangiturong ti anghel iti panangbirok kadagiti kasta a tattao.—Apoc. 14:6.

4 Ipaay ti Dios ti Espirituna Kadatayo: Ti nasantuan nga espiritu ti tumulong kadatayo nga agsao a “situtured babaen ti autoridad ni Jehova.” (Ara. 14:1-3) No silalagiptayo nga adda nabileg a suporta iti ministeriotayo, ditay agkitakit a mangikasaba iti kinapudno kadagiti kaarruba, katrabahuan, kaeskuelaan, kakabagian, wenno edukado wenno nabaknang a tattao.

5 Insuronatayo ni Jesus No Kasano: Nagusar ni Jesus kadagiti mamagpanunot a saludsod, realistiko nga ilustrasion, ken Nainkasuratan a kapanunotan. Naimpusuan nga inlawlawagna ti kinapudno iti simple, makaguyugoy a pamay-an. Dagitoy pay laeng ti kasasayaatan a pamay-an itatta. (1 Cor. 4:17) Mabalin nga agbaliw dagiti kasasaad iti pangasabaantayo, ngem ti nabileg a mensahe ti Pagarian di pulos agbaliw.

6 Naipaayantayo iti pribilehio nga usaren ni Jehova a tumulong kadagiti tattao iti naisangsangayan ken napateg a pamay-an. Ditay koma bumdeng! Naturedtayo koma ket palubosantayo ni Jehova a ‘manglukat kadatayo iti maysa a ruangan ti panagsao’ tapno maipakaammotayo ti naimbag a damag kadagiti sabsabali.—Col. 4:2-4.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share