Agtultuloy a Magunggonaan iti Ti Pagwanawanan ken Agriingkayo!
Ita ta naisardengen ti panangibuson kadagiti suskripsion ti magasin a Pagwanawanan ken Agriingkayo!, masapul a siguraduentayo, ken dagidiay kaskasabaantayo, nga awan ti malibtawantayo nga uray maysa nga isyu.
Dagiti Personal a Kopia: No agpason ti personal a suskripsionyo, nayonanyo ti agdama a pedidoyo iti magasin. Agpedido koma dagiti nagannak iti umdas a magasin tapno maaddaan iti bukod a kopia ti tunggal miembro ti pamilia. Ti panangisurat iti naganyo iti personal a kopiayo ti mangipasigurado a di maipaima dayta iti tay-ak. No dumtengen dagiti magasin, dagiti kakabsat a mangas-asikaso kadagita iruarda a dagus ti tunggal isyu idiay Kingdom Hall.
Dagiti Ruta ti Magasin: Pagreggetan koma ti tunggal agibumbunannag a regular nga itulodan ti magasin dagiti amin nga interesado a tattao nga agtarigagay a makaawat iti tunggal ruar. Ti personal a panangitulod iti magasin kadakuada ti mangipaay kadatayo iti gundaway a mangsukay iti impakitada nga interes ken mangirugi iti panagadal iti Biblia.—Kitaenyo Ti Ministeriotayo iti Pagarian, Oktubre 1998, panid 8.
Dagidiay Addaan iti Naisangsangayan a Kasapulan: No talaga nga interesado ti maysa a tao ngem agnanaed iti saan a naituding a teritoria, maipalubos a makaawat kadagiti magasin babaen ti suskripsion iti koreo. No ti maysa a tao nga agnanaed iti teritoria ti kongregasion ket saan a madanon babaen ti ruta ti magasin ngem interesado a maaddaan kadagiti magasin, dakamatenyo dayta iti Congregation Service Committee. No anamonganda, maikkan iti suskripsion ti tao nga interesado. Mabalin nga usaren ti subscription form (M-1 ken M-101) agpaay iti daytoy a panggep.
Makapagtalektayo nga agtultuloy a bendisionan ni Jehova ti amin a panagreggettayo a mangiwaragawag iti Pagarian babaen Ti Pagwanawanan ken Agriingkayo!