Dagiti Palagip Mainaig iti Memorial

Marambakan ti Memorial iti daytoy a tawen inton Huebes, Marso 24. Dagiti panglakayen nasken nga asikasuenda dagiti sumaganad:

◼ Iti panangikeddeng iti oras ti taripnong, siguraduen a sa la maipasa ti emblema no limneken ti init.

◼ Mapakaammuan koma ti amin, agraman ti ispiker, maipapan iti eksakto nga oras ken lugar a pakaangayan ti Memorial.

◼ Magun-od ken maisagana koma ti maitutop a kita ti tinapay ken arak.—Kitaenyo Ti Pagwanawanan a Pebrero 15, 2003, panid 14-15.

◼ Maiyeg ken maiplastar koma a nasaksakbay iti Kingdom Hall dagiti plato, baso, ken ti maitutop a lamisaan ken mantel.

◼ Nasaksakbay koma a madalusan a naimbag ti Kingdom Hall wenno ti sabali a lugar a pagtataripnongan.

◼ Mapili koma a nasaksakbay dagiti attendant ken mangipasa kadagiti emblema, ken maisuro kadakuada dagiti annongenda ken ti umiso a pamay-an a masurot. Nasken a nanakman ti kawes ken langada.

◼ Mayurnos koma a maserbian ti asinoman a napulotan a nakapuy ti salun-atna ken saan a makatabuno.

◼ No saan la a maymaysa a kongregasion ti nakaeskediul a mangusar iti maysa a Kingdom Hall, adda koma nasayaat a koordinasion dagiti kongregasion tapno maliklikan dagiti panaglilinnetlet iti lobby wenno pagserkan, iti pagnaan, ken iti pagparadaan.