No Ania ti Ibagayo Maipapan Kadagiti Magasin

Ti Pagwanawanan Abr. 1

“Napampanunotmo kadin no makalasatto ti daga yantangay madaddadaelen dagiti natural a gameng dayta? [Palubosanyo a sumungbat.] Imutektekanyo daytoy a makaliwliwa a kari. [Basaenyo ti Salmo 104:5.] Ilawlawag daytoy nga artikulo no ania ti mapasamak iti daga iti masanguanan.” Itampokyo ti artikulo a mangrugi iti panid 10.

Agriingkayo! Abr.

“Gapu iti kaadu ti trabaho, marigatan ti adu a tattao a mangilatang iti tiempo para iti panagdaydayawda iti Dios. Maysa kadi met dayta a karit kadakayo? [Palubosanyo a sumungbat sa basaenyo ti Efeso 5:15-17.] Ipakita daytoy nga artikulo ti nainkalintegan a panangilawlawag ti Biblia maipapan iti kaadu ti tiempo ken pigsa a namnamaen ti Dios nga ipaaytayo kenkuana.” Itampokyo ti artikulo a mangrugi iti panid 20.

Ti Pagwanawanan Mayo 1

“Adu ti agkuna a dida mamati iti banag a dida nakita. Umanamongkayo kadi iti dayta? [Palubosanyo a sumungbat sa basaenyo ti Roma 1:20.] Itampok daytoy a magasin ti tallo kadagiti galad ti Dios a nabatad a makitatayo kadagiti parsuana ken ilawlawagna no ania ti epektona kadatayo ti panangammo kadagita a galad.”

Agriingkayo! Mayo

“Adu a tattao ita ti mabuteng iti masanguanan. Iti panagkunayo, sumayaatto ngata ti bambanag wenno kumarkaro ketdi? [Palubosanyo a sumungbat sa basaenyo ti Apocalipsis 21:3, 4.] Ilawlawag daytoy a magasin no apay a makapagtalektayo a mabiiten a risuten ti Dios dagiti nakaro a problema a saan a kabaelan a risuten ti tao.”