Pagtuladan a Presentasion

Panangirugi iti Panangyadal iti Biblia iti Umuna a Sabado iti Agosto

“Dagiti tattao ita masansan nga iladladawanda ti itsura ni Jesus a kas pay laeng idi, dua a ribu a tawenen ti napalabas—kas maysa a maladaga a nakaidda iti kulluong wenno kas adulto a nailansa iti kayo a pagtutuokan. Ngem iti panagkunayo, ania ngata ti ar-aramiden ni Jesus itan? [Palubosanyo a sumungbat.] Imutektekanyo no ania ti nailanad iti daytoy.” Itedyo iti bumalay ti Agosto 1 a Pagwanawanan sa usigenyo ti material iti babaen ti umuna a subtitulo iti panid 16 ken ti uray maysa laeng a teksto. Ipaimayo dagiti magasin sa ibagayo nga agsublikayto tapno pagsaritaanyo ti sungbat ti sumaruno a saludsod.

Ti Pagwanawanan Agosto 1

“Adu a tattao ti mamati iti milagro. Adda met dagiti agduadua no pudpudno dayta. Iti panagkunayo, talaga kadi a mapaspasamak dagiti milagro? [Palubosanyo a sumungbat.] Daytoy a kari maipapan iti milagro a mapasamak iti masanguanan ket nangted iti namnama iti adu a tattao. [Basaenyo ti maysa kadagiti teksto a nailanad iti panid 9-10.] Sungbatan daytoy a magasin ti tallo a gagangay nga isusupiat dagiti tattao maipapan iti milagro.”

Agriingkayo! Agosto

“Adu a tattao ita ti mabuteng a rummuar nga agmaymaysa, nangnangruna no rabiin. Iti panagkunayo, adda ngata mabalin nga aramiden tapno maksayan ti kinaranggas iti daytoy a lubong? [Palubosanyo a sumungbat.] Ilawlawag daytoy a magasin ti sumagmamano a banag a mabalintayo nga aramiden tapno agbalintayo nga ad-adda a mannakikappia kadagiti dadduma. Ilawlawagna pay no kasano a matungpal daytoy a makaparegta a padto.” Basaenyo ti Salmo 72:7.