Pagtuladan a Presentasion

Panangirugi iti panangyadal iti Biblia iti umuna a Sabado iti Mayo

“Agkamalitayo amin. Napampanunotyo kadin no pakawanen ti Dios uray dagiti nakaro a basoltayo?” [Palubosanyo a sumungbat.] Ipakitayo ti artikulo iti panid 15 ti Mayo 1 a Pagwanawanan, ken usigenyo ti material iti babaen ti umuna a saludsod ken uray maysa laeng kadagiti naisitar a teksto. Ipaimayo dagiti magasin sa ibagayo nga agsublikayto tapno pagsaritaanyo ti sungbat ti sumaruno a saludsod.

Ti Pagwanawanan Mayo 1

“Kayatmi a maammuan ti opinionyo iti daytoy. [Basaenyo ti 1 Juan 4:8.] Adu ti umanamong kadagitoy a sasao, ngem adda met dagiti agkuna a naulpit ti Dios gapu ta ipalpalak-amna kadatayo dagiti natural a kalamidad, wenno ipalpalubosna a mapasamak dagita. Ania ti makunayo? [Palubosanyo a sumungbat.] Ilawlawag daytoy a magasin dagiti nainkalintegan a rason no apay a saantayo a panunoten a naulpit ti Dios.”

Agriingkayo! Mayo

“Simmarungkarkami ta kayatmi ti makisarita maipapan iti nakaro a problema—ti krimen. Adda dagiti agkuna a ti solusion iti panangkontrol iti krimen ket ti panangnayon kadagiti polis. Ania ti makunayo? [Palubosanyo a sumungbat.] Ammoyo kadi nga inkari ti Biblia nga agpatingganto ti krimen? [Basaenyo ti Salmo 37:10, 11.] Ilawlawag daytoy a magasin dayta a kari ken mangipaay iti sumagmamano a praktikal nga addang a mabalintayo nga aramiden tapno masalaknibantayo ti bagbagitayo iti krimen.”