Pagtuladan a Presentasion

Panangirugi iti panangyadal iti Biblia iti umuna a Sabado iti Hunio

“Dandani amin a makasarsaritami ket kayatda a maadda koma ti talna iti lubong. Ngem adda pay met laeng dagiti gubgubat. Iti panagkunayo, apay ngata a naatap ti sangalubongan a talna?” Palubosanyo a sumungbat. Ipakitayo ti makinlikud nga akkub ti Hunio 1 a Pagwanawanan, ken usigenyo ti material iti babaen ti umuna a saludsod ken uray maysa laeng kadagiti naisitar a teksto. Ipaimayo dagiti magasin sa ibagayo nga agsublikayto tapno pagsaritaanyo ti sumaruno a saludsod.

Palagip: Maidemostra daytoy a presentasion iti taripnong sakbay ti panangasaba iti Hunio 1.

Ti Pagwanawanan Hunio 1

“Bumisbisitakami iti apagbiit kadagiti kaarrubami ta kayatmi ti makisarita maipapan kadagiti gagangay a problema. Adu a tattao ti makapaspasar iti panangidumduma. Adda pay ngata lugar iti lubong nga awan ti mangidumduma? [Palubosanyo a sumungbat.] Kitaenyo no ania ti panangmatmat ti Dios kadagiti amin a tattao. [Basaenyo ti Aramid 10:34.] Ilawlawag daytoy a magasin no kasano a mamimpinsan a pagpatinggaento ti Dios ti panangidumduma.”

Agriingkayo! Hunio

“Kayatmi a maammuan ti kapanunotanyo maipapan iti maysa a banag. Normal laeng a kayattayo ti maaddaan iti nasaysayaat a biag. Iti panagkunayo, maragpattayo kadi dayta no gumatangtayo iti ad-adu a sanikua? [Palubosanyo a sumungbat.] Panunotenyo daytoy a kinuna ni Jesus. [Basaenyo ti Lucas 12:15.] Ipakita daytoy a magasin ti balanse a panangmatmat kadagiti material a sanikua ken mangipaay kadagiti makatulong a singasing no kasanotayo a kontrolen ti aggasto.”