Panangparang-ay iti Abilidadtayo iti Ministerio—Kadua a Nalaing a Tumulong

No Apay a Napateg: Ammo ni Jesus ti kinapateg ti kadua iti panangasaba. Isu nga idi binilinna ti 70 kadagiti adalanna a mapan mangasaba, imbaonna ida a sagdudua. (Luc. 10:1) Ti kadua ket makaipaay iti kasapulan a tulong no marigatan ti padana nga agibumbunannag wenno no saanna nga ammo ti isungbatna iti bumalay. (Ecl. 4:9, 10) Mabalinna nga iranud ti kapadasanna ken sagpaminsan a mangibaga iti singasing a makatulong iti kaduana nga agbalin a mas epektibo nga ebanghelisador. (Prov. 27:17) Makaipaay met iti pammaregta babaen kadagiti makapabileg a saritaan bayat a magmagnada a mapan iti sumaruno a balay.—Fil. 4:8.