Panangparang-ay iti Abilidadtayo iti Ministerio—Panangisagana iti Introduksion

No Apay a Napateg: No saan a makapainteres ti introduksiontayo, mabalin a gupden ti bumalay ti saritaan sakbay pay a makasabaantayo. Gapuna, adu nga agibumbunannag ti mangibilang a ti introduksion ti kapatgan a paset ti presentasionda. Nupay adda dagiti pagtuladan a presentasion iti Ti Ministeriotayo iti Pagarian ken iti libro a Pannakirinnason, saan a kanayon a naglaon dagita iti kompleto nga introduksion, iti kasta, mabalintayo nga ibagay iti kasasaad. Ken uray no kompleto ti pagtuladan a presentasion, mabalin a baliwan dayta dagiti agibumbunannag wenno mangisaganada iti bukodda a presentasion. Gapuna, mas epektibo ti panangasabatayo no isaganatayo a naimbag ti introduksiontayo imbes nga ibagatayo lattan no ania ti mapanunottayo no makisarita ti bumalay.—Prov. 15:28.