Pagtuladan a Presentasion

Pakasarakantayo Kadagiti Sungbat iti Napapateg a Saludsod iti Biag?

Itedyo ti tract iti bumalay tapno mabasana ti paulo sa ibagayo: “Naimbag nga aldawyo. Makiramramankami iti sangalubongan a kampania. Iwarwarasmi daytoy a napateg a mensahe. Daytoy ti kopiayo.”

No mangibatikayo iti tract kadagiti pagtaengan nga awan ti bumalayna, ikabilyo iti saan a makitkita dagiti aglabas ken saanyo koma a kulpien.

No interesado ti bumalay wenno kayatna ti makisarita, mabalinyo a damagen no ania ti sungbatna iti saludsod iti makinsango nga akkub ti tract. Ukradenyo ti tract, ken ipakitayo ti kuna ti Salmo 119:144, 160. Ilawlawagyo a naglaon ti tract kadagiti impormasion maipapan iti Web site a makatulong kenkuana a mangbirok kadagiti sungbat ti Biblia. Mabalinyo nga ipabuya ti video nga Apay nga Adalem ti Biblia? Sakbay nga agpakadakayo, ipakitayo ti tallo a saludsod nga adda iti likud ti tract sa isaludsodyo no ania kadagita ti pakaseknanna. Ibagayo nga agsublikayto tapno ipakitayo no kasanona a mabirokan ti sungbat ti Biblia babaen ti panangusar iti jw.org. No sumarungkarkayo, pagsaritaanyo ti sungbat nga adda iti PANNURSURO TI BIBLIA > SUNGBAT DAGITI SALUDSOD MAIPAPAN ITI BIBLIA.

Ti Pagwanawanan Agosto 1

No maitutop nga ipaimayo Ti Pagwanawanan kadagiti ngudo ti lawas, mabalinyo a kunaen: “Kayatdakayo met koma nga ikkan iti kabaruan a magasinmi. Daytoy a ruar Ti Pagwanawanan sungbatanna ti saludsod nga, Interesado kadi ti Dios kenka?”

Agriingkayo! Agosto

No maitutop nga ipaimayo ti Agriingkayo! kadagiti ngudo ti lawas, mabalinyo a kunaen: “Kayatdakayo met koma nga ikkan iti kabaruan a magasinmi. Daytoy a ruar ti Agriingkayo! sungbatanna ti saludsod a, Kasano a makapagkinnappia dagiti tattao?”