Pagtuladan a Presentasion

Panangirugi iti Panangyadal iti Biblia iti Umuna a Sabado ti Septiembre

“Adu ti mamati kadagiti anghel. Dakayo ngay? [Palubosanyo a sumungbat.] Kas espiritu a parsua, mannakabalin dagiti anghel. Ngem matulongandatayo ngata? Ibaga ti Biblia no kasano a tultulongandatayo ita dagiti anghel.” Ipakitayo ti likud ti Septiembre 1 a Pagwanawanan sa usigenyo ti umuna a saludsod ken ti uray maysa laeng kadagiti naisitar a teksto. Itukonyo dagiti magasin ken ibagayo nga agsublikayto tapno pagsaritaanyo ti sumaruno a saludsod.

Ti Pagwanawanan Septiembre 1

“Iti panagkunayo, nakaro kadin ti panangdadael ti tao iti daga nga uray la saanen a matarimaan dayta? [Palubosanyo a sumungbat.] Nupay saan a kabaelan ti tao a tarimaanen ti dinadaelna, ibaga ti Biblia a kabaelan ken kayat ti Dios nga aramiden dayta. Paneknekan dayta ti Salmo 65:9. [Basaenyo.] Ilawlawag daytoy a ruar Ti Pagwanawanan no kasano nga aywanan ti Dios ti daga ken no kasanotayo a matagiragsak dagitoy a bendision iti masanguanan. Daytoy ti kopiayo.”

Agriingkayo! Septiembre

“Adu ti agkunkuna nga adu unay ti ipapaaramid ti amoda isu a mapilitanda nga agtrabaho nga agtrabaho. Kuna dagiti eksperto a makapaksuy ti adu unay a trabaho ket makadangran daytoy iti pisikal ken emosion. Iti panagkunayo, ania ti makatulong iti maysa a tao a maaddaan iti balanse a panangmatmat? [Palubosanyo a sumungbat.] Mamagpanunot daytoy a teksto iti Biblia. [Basaenyo ti Eclesiastes 4:6.] Ilawlawag daytoy a magasin ti uppat a praktikal nga addang tapno mabalbaliwantayo dagiti prioridadtayo, iti kasta, saantayo a mapaksuyan.”