Pagtuladan a Presentasion

Panangirugi iti Panangyadal iti Biblia iti Umuna a Sabado ti Nobiembre

“Panunotenyo daytoy a makapainteres a saludsod. [Basaenyo ti umuna a saludsod iti makinlikud nga akkub ti Nobiembre 1 a Pagwanawanan.] Ania ti makunayo? [Basaenyo ti dua a parapo iti babaen dayta a saludsod ken ti uray maysa laeng kadagiti naisitar a teksto.] Mabalin kadi nga agsubliakto tapno pagsaritaanta no apay a nangpagungar ni Jesus ken no ania ti kaipapanan dayta kadatayo?”

Ti Pagwanawanan Nobiembre 1

“Napampanunotyo kadin no apay a nakaad-adu ti dakes a mapaspasamak ditoy lubong? [Palubosanyo a sumungbat.] Ilawlawag ti Biblia ditoy Apocalipsis 12:9 no apay. [Basaenyo.] Nupay kasta, ikkannatayo ti bersikulo 12 iti namnama. [Basaenyo ti Apocalipsis 12:12.] Mabiiten a maawan ti dakes nga impluensia ni Satanas. Daytoy nga artikulo a napauluan iti ‘Rumbeng Kadi nga Agbutengtayo ken Satanas?’ ilawlawagna no kasanotayo a masalakniban ita ti bagitayo iti impluensiana ken no anianto ti mapasamak ken ni Satanas iti asidegen a masanguanan. Daytoy ti kopiayo.”

Agriingkayo! Nobiembre

“Kayattayo amin ti agbalin a naragsak, ngem adu ita ti saan a naragsak. Iti panagkunayo, ania ti mangyeg iti pudpudno a kinaragsak? [Palubosanyo a sumungbat.] Natakuatak a makatulong ti Biblia tapno agbalin a naragsak ti biagtayo. Kas pagarigan, panunotenyo daytoy a prinsipio iti Biblia. [Basaenyo ti Hebreo 13:5.] Ilawlawag daytoy a magasin ti uppat a tulbek ti pudpudno a kinaragsak a naibatay iti Biblia.”