Baro nga Alikamen iti Panagsukimat

Minilion nga agibumbunannag iti intero a daga ti mangus-usar a naimbag iti Watch Tower Publications Index no agsukimatda. Ngem gapu ta detalyado unay, manmano laeng a lengguahe ti addaan iti kasta. Gapuna, naaramid ti Giya iti Panagsukimat Para Kadagiti Saksi ni Jehova iti agarup 170 a lengguahe. Ti kaaduan a reperensia a publikasion iti Giya iti Panagsukimat ket nangrugi iti tawen 2000 nga agpangato. Ti Giya iti Panagsukimat ket saan a nayimprenta kadagiti lengguahe nga addaanen iti Index ngem nairaman daytoy iti elektroniko a pormat iti Watchtower Library ken Watchtower—ONLINE A LIBRARIA. Matulongannakayo ti Giya iti Panagsukimat a mangbirok iti sungbat dagiti saludsod maipapan iti Biblia, mangbirok iti impormasion maipapan kadagiti personal a pakaseknan, ken agsagana kadagiti gimong ti kongregasion ken panagdaydayaw ti pamilia.