Dagiti Pamay-an ti Panangusar iti JW Library

PARA ITI PANAGADAL:

• Basaen ti Biblia ken ti teksto iti aldaw

• Basaen ti Tinawen a Libro, dagiti magasin, ken dadduma pay a publikasion. Usaren ti feature a bookmark

• Agsagana iti gimong iti kongregasion, ken koloran dagiti sungbat

• Buyaen dagiti video

KADAGITI GIMONG:

• Kitaen dagiti teksto a dakamaten ti ispiker. Usaren ti feature a history tapno makasubli iti maysa a teksto

• Imbes nga agitugot iti adu a nayimprenta a publikasion iti gimong, usaren ti device-mo a mangsurot iti nagduduma a paset ken iti panagkanta. Adda iti JW Library dagiti baro a kanta nga awan pay iti nayimprenta a pagkantaan

ITI MINISTERIO:

• Mangipakita iti interesado a tao iti maysa a linaon ti JW Library, sa tulongan a mangi-download iti app ken kadagiti publikasion iti device-na

• Usaren ti feature a search tapno mabirokan ti maysa a teksto ti Biblia. No saan nga agparang ti sasao iti rebisado a New World Translation, mapan iti Reference Bible sa uliten ti agbirok

• Mangipabuya iti video. No adda annak ti bumalay, mabalin nga ipabuya ti maysa kadagiti video ti Agbalinka a Gayyem ni Jehova. Wenno mabalin nga ipabuya ti video nga Apay nga Adalem ti Biblia? tapno matukay ti interesna nga agadal iti Biblia. No ti tao ket sabali ti lengguahena, mangipabuya iti video iti mismo a lengguahena

• Ipakita ti maysa a teksto iti sabali a lengguahe, babaen iti patarus nga in-download-mon. Mapan iti teksto, talmegan ti numero ti bersikulo, sa talmegan ti parallel rendering icon