Pagtuladan a Presentasion

TI PAGWANAWANAN

Saludsod: Umanamongkayo kadi a no ti Biblia ket naggapu iti Dios, malasatanna ti aniaman a panangikagumaan a mangdadael iti dayta?

Teksto: Isa 40:8

Tukon: Ilawlawag dagitoy nga agsasaruno nga artikulo dagiti makapainteres nga estoria maipapan kadagiti nalasatan ti Biblia.

TI PAGWANAWANAN (makinlikud a panid)

Saludsod: Kayatko a maammuan ti opinionyo iti daytoy a saludsod. [Basaen ti umuna a saludsod iti panid 16.] Adda dagiti mamati a ti relihion ket inimbento laeng ti tao. Patien met ti dadduma nga us-usaren ti Dios ti relihion tapno makaasidegtayo kenkuana. Ania ti makunayo?

Teksto: San 1:27

Tukon: Ilawlawag daytoy nga artikulo no ania pay ti ibagbaga ti Biblia maipapan iti daytoy a topiko. Maragsakanak nga agsubli ket pagsaritaantayto ti sumagmamano a punto iti daytoy nga artikulo.

NAIMBAG A DAMAG MANIPUD ITI DIOS

Saludsod: Adu ti mangibaga a no agbasbasada iti padto ti Biblia, kasda la agbasbasa iti diario. Ania kadagitoy a naipadto a kasasaad ti nakita wenno nangngegyon?

Teksto: 2Ti 3:1-5

Tukon: Ilawlawag daytoy a broshur no apay a dagitoy a kasasaad ket naimbag a damag para kadagidiay mangay-ayat iti Dios. [Itampok ti leksion 1, saludsod 2.]

MANGARAMIDKA ITI BUKODMO A PRESENTASION

Tuladen ti format kadagiti nadakamat a pagtuladan iti panangaramid iti bukodmo a presentasion.