GAMENG MANIPUD ITI SAO TI DIOS | PROVERBIO 1-6

Agtalekka ken Jehova iti Isuamin a Pusom

Lalaki idi tiempo ti Biblia nga agkarkararag

Maikari ni Jehova iti naan-anay a panagtalektayo. Ti kaipapanan ti naganna pabilgenna ti panagtalektayo a kabaelanna a tungpalen dagiti karina. Napateg ti panagkararag tapno bumileg ti panagtalektayo kenkuana. Ipasigurado ti Proverbio kapitulo 3 a gunggonaan ni Jehova ti panagtalektayo kenkuana babaen ti ‘panangpalintegna iti danatayo.’

Ti masirib kadagiti bukodna a mata . . .

3:5-7

agdesision a saan nga agpaiwanwan ken Jehova
agtalek iti bukodna a kapanunotan wenno iti kapanunotan ti lubong

Ti agtaltalek ken Jehova . . .

ikagumaanna a pasingeden ti relasionna kenkuana babaen ti panagadal iti Biblia, panagmennamenna, ken panagkararag
agpapaiwanwan kenkuana babaen ti panangikabilanganna kadagiti prinsipio ti Biblia no agdesision

**ANIA KADAGITOY TI MANGIPAKITA NO KASANOKA NGA AGDESISION?**
UMUNA: Piliek ti ammok a kasayaatan	UMUNA: Agpaiwanwanak ken Jehova babaen ti kararag ken personal a panagadal
KALPASANNA: Dawatek ken Jehova a bendisionanna ti desisionko	KALPASANNA: Agdesisionak maitunos iti prinsipio ti Biblia