GAMENG MANIPUD ITI SAO TI DIOS | PROVERBIO 22-26
Sanayem ti Ubing iti Dalan nga Agpaay Kenkuana
Naglaon ti Proverbio kadagiti makatulong a balakad para kadagiti nagannak. No kasano a ti panangpilko iti naganus a sanga ti kayo apektaranna ti panagdakkelna, ti panangsanay kadagiti ubbing tulonganna ida nga agserbi ken Jehova inton dumakkelda.
Ti umiso a panangsanay kadagiti annak ket agkasapulan iti adu a panawen ken panagporsegi
Masapul a mangipakita dagiti nagannak iti nasayaat nga ulidan, ken suruan, balakadan, paregtaen, ken disiplinaenda ti annakda
Ti disiplina ket naayat a panangsanay a mangilinteg iti isip ken puso
Saan nga agpapada ti disiplina a kasapulan dagiti annak