Matagiragsakmo Dagiti Manayon a Bendision ti Naayat a Dios

• Il-iliwem kadi ti lubong nga awan ti gubat, kinaranggas, ken panagririri?

• Kayatmo kadi nga awan koma ti sakit, panagsagaba, ken ipapatay?

• Tartarigagayam kadi nga awanton ti pakadanagam?

• Ar-arapaapem kadi ti agyan iti maysa a lugar a saan a maapektaran kadagiti natural a didigra?

Inkari ti naayat a Diostayo, ti Namarsua iti nagpintas a planetatayo, a bendisionanna ti sangatauan iti natalna ken naragsak a kasasaad iti agnanayon. Saan a tagtagainep daytoy.

Kadagiti sumaganad nga artikulo, panunotem dagitoy:

• No ania ti rikna kadatayo ti Namarsua

• No ania ti mensahe ti Dios kadatayo manipud iti naisurat a Saona

• No ania ti imbaga dagiti propeta maipapan kadagiti bendision nga inkari ti Dios

• No ania ti aramidentayo tapno agbalintayo a naragsak itan ken maawattayo dagiti manayon a bendision ti Dios iti masanguanan

Usigentayo nga umuna no kasano nga ipakpakita ti Namarsua ti ayat ken pannakaseknanna kadatayo.