Dagiti payunir a mangikaskasaba iti naimbag a damag iti Tzotzil a lengguahe idiay Chiapas, Mexico
Pagtuladan a Presentasion
TI PAGWANAWANAN
Saludsod: No adda agdamag kadakayo maipapan iti kasasaad idiay langit, ania ti sungbatyo?
Teksto: Jn 8:23
Tukon: Ilawlawag daytoy a ruar Ti Pagwanawanan no ania ti imbaga da Jesus ken Jehova maipapan iti langit.
ISURO TI KINAPUDNO
Saludsod: Umanamongkayo kadi nga iladawan daytoy a padto ti Biblia dagiti mapaspasamak ita?
Teksto: 2Ti 3:1-5
Kinapudno: Gapu ta matungtungpalen ti padto ti Biblia maipapan iti maudi nga al-aldaw, makapagtalektayo met a matungpalto ti padto maipapan iti nasaysayaat a masanguanan.
APAY NGA ADALEM TI BIBLIA? (Video)
Introduksion: Adda ipabpabuyami nga ababa a video a mangilawlawag no pakabirokantayo kadagiti makapnek a sungbat ti napapateg a saludsod iti biag. [Ipabuya ti video.]
Tukon: Ipakita daytoy a libro no ania ti kuna ti Biblia maipapan iti solusion ti Dios kadagiti problema ti lubong. [Itukon ti libro nga Isursuro ti Biblia.]
MANGARAMIDKA ITI BUKODMO A PRESENTASION
Tuladen ti format kadagiti nadakamat a pagtuladan iti panangaramid iti bukodmo a presentasion.