Kasano Katibker ti Pammatim Kadagiti Kari ni Jehova?

Pinatalgedan da Josue ken Solomon nga awan uray maysa a sao nga inkari ni Jehova ti di natungpal. (Jos 23:14; 1Ar 8:56) Tumulong ti sasao dagitoy dua a mapagtalkan a saksi tapno tumibker ti pundasion ti pammatitayo.—2Co 13:1; Tit 1:2.

Kasano a tinungpal ni Jehova dagiti karina idi panawen ni Josue? Buyaenyo kas pamilia ti drama nga ‘Awan Uray Maysa a Sao ti Napaay,’ sa pagsasaritaanyo dagitoy a saludsod: (1) Kasano a matuladyo ti panangipakita ni Rahab iti pammatina? (Heb 11:31; San 2:24-26) (2) Kasano nga ipakita ti kapadasan ni Acan nga agresulta iti didigra ti inggagara a panagsukir? (3) Mannakigubat dagiti lallaki a Gabaonita, ngem apay nga inallilawda ni Josue ken nakikappiada iti Israel? (4) Kasano a natungpal ti sasao ni Jehova iti Israel idi nakigubat kadakuada ti lima nga ari dagiti Amoreo? (Jos 10:5-14) (5) Kasano a nagtignay ni Jehova para kadakayo bayat nga iyun-unayo ti Pagarian ti Dios ken ti kinalintegna?—Mt 6:33.

Bayat nga ut-utobentayo ti amin a naaramidan, ar-aramiden, ken aramidento ni Jehova, tumibker a tumibker ti pammatitayo kadagiti karina.—Ro 8:31, 32.