“Itultuloyyo nga Utoben Dagitoy a Banag”

Ania a bambanag? Ibaga ti Filipos 4:8 nga utobentayo ti aniaman a pudno, napateg, nalinteg, nadalus, maay-ayat, nasayaat ti pakasarsaritaanda, naimbag, ken maidaydayaw. Siempre, saan laeng a puro maipapan iti Biblia ti panunoten dagiti Kristiano. Ngem dagiti ut-utoben ti pusotayo ket rumbeng a makaparagsak ken Jehova. Masapul a saantayo a panunoten dagiti bambanag a mangpakapuy iti determinasiontayo nga agtalinaed a matalek kenkuana.​—Sal 19:14.

Narigat a liklikan dagiti dakes a panagpampanunot. Saan laeng a ti kinaimperpektotayo ti masapul a labanantayo no di ket uray ni Satanas, “ti dios daytoy a sistema ti bambanag.” (2Co 4:4) Konkontrolenna ti media iti intero a lubong, isu a kaaduan a programa iti TV, radio, Internet, ken babasaen ket dumakdakes. No saantayo a napili iti ipaspastrektayo iti isiptayo, maapektaran ti panagpampanunottayo, ken inton agangay, uray ti kababalintayo.—San 1:14, 15.

BUYAEN TI VIDEO A LIKLIKAN DAGITI MANGREGGAAY ITI KINASUNGDO—DI NASAYAAT A PAGLINGLINGAYAN SA SUNGBATAN DAGITOY A SALUDSOD:

• 

  Ania ti buybuyaen ti brother iti selponna, ken ania ti epekto dayta kenkuana?

• 

  Kasano a nakatulong kenkuana ti Galacia 6:7, 8 ken Salmo 119:37?