No Kasano nga Usaren Dagiti Pagtuladan iti Pannakisarita

Manipud idi Enero 2018, adda dagiti pagtuladan iti pannakisarita iti akkub ti Workbook iti Gimong a Panagbiag ken Ministerio. Kasanotayo nga usaren dagita?

No Adda Pasetmo kas Estudiante: Masapul nga usarem ti saludsod, teksto, ken ti sumaruno a pagsaritaan iti pagtuladan a presentasion. Ngem dina kayat a sawen a tuladem dagiti sasao a nausar iti video ti pagtuladan iti pannakisarita. Mabalinmo ti agusar iti sabali nga eksena, introduksion, pamay-an ti panangilawlawag, ken dadduma pay. Mabalinmo met ti mangipaima iti publikasion manipud iti Toolbox iti Panangisuro, uray no awan dayta iti instruksion para iti paset.

No Addaka iti Ministerio: Nairanta dagiti pagtuladan iti pannakisarita a mangipaay kadagiti makatulong nga ideya. No talaga nga interesado ti bumalay ken kayatna a maammuan ti ad-adu pay, mabalinmo nga itultuloy a kasarita, a nalabit usarem ti dadduma a linaon ti pagtuladan iti panagsarungkar. Mabalinmo a baliwan dagiti pagtuladan iti pannakisarita wenno mangusarka iti naiduma a presentasion. Kaykayat kadi dagiti tattao iti teritoriayo ti topiko iti naglabas a bulan wenno naiduma a teksto? Ad-adda kadi a paginteresan dagiti tattao iti lugaryo dagiti kabaruan a damdamag wenno paspasamak iti lugaryo? Kasanoman ti panangusarmo kadagiti pagtuladan iti pannakisarita, panggepmo koma nga ‘aramiden ti amin a banag gapu iti naimbag a damag, tapno mairanudmo dayta iti sabsabali.’—1Co 9:22, 23.