GAMENG MANIPUD ITI SAO TI DIOS | LEVITICO 4-5
Itedmo ti Kasayaatam ken Jehova
Iti Israel, ti kinapanglaw dina lapdan ti maysa a makikappia ken Jehova. Uray dagiti kapanglawan nga Israelita mabalinda ti mangted iti daton a makaay-ayo ken Jehova no la ket ta dayta ti kasayaatan a maitedda. Mabalinda ti mangidaton iti arina, ngem ekspektaren ni Jehova a “napino” dayta, daydiay maidasdasar kadagiti natan-ok a bisita. (Ge 18:6) Awaten met ni Jehova ita ti kasayaatan a ‘daton ti panangidaydayawtayo’ uray limitado ti maitedtayo gapu iti kasasaadtayo.—Heb 13:15.
Kasanoka a naparegta iti daytoy no saanen a kas iti dati ti maar-aramidam, mabalin a gapu ta kimmapuyen ti salun-atmo wenno ti bagim?