PANAGBIAG KAS KRISTIANO
Tratuem Dagiti Babbaket kas Inna, Dagiti Ub-ubing a Babbai kas Kabsat
Ibaga ti Biblia a tratuentayo dagiti nataengan a Kristiano kas inna ken ammatayo, ken dagiti ub-ubing kas kakabsat. (Basaen ti 1 Timoteo 5:1, 2.) Dagiti kakabsat a lallaki ti nangnangruna a masapul a mangtrato kadagiti kakabsat a babbai nga addaan dignidad ken respeto.
Saan koma nga ag-flirt ti maysa a brother wenno mangaramid iti aniaman a banag a mangpaalusiis iti maysa a sister. (Job 31:1) Saan koma a pagay-ayaman ti maysa a baro ti rikna ti maysa a balasang. Saanna koma nga iparikna a kayatna a maaddaanda iti romantiko a relasion, ngem ti agpayso, saan met gayam.
Masapul nga ipakitaan dagiti panglakayen iti konsiderasion dagiti sister a sidadayaw nga agsaludsod wenno mangibaga iti maysa a banag a mabalin nga agkasapulan iti atension. Dagiti panglakayen ket masapul a nangnangruna a nakonsiderar kadagiti sister nga awanan iti asawa a mangprotektar kadakuada.—Ru 2:8, 9.
BUYAEN TI VIDEO NGA IPAKITA TI SAAN A PULOS AGPATINGGA NGA AYAT ITI KONGREGASION—KADAGITI BALO KEN AWANAN AMA, SA SUNGBATAN DAGITOY:
Kasano nga impakita ti kongregasion ti naisangsangayan nga ayat ken Sister Myint?
Kasano a nagbalin a pangsaksi iti lugarda ti ayat nga impakita ti kongregasion?
Ania ti epekto ti ayat nga impakita ti kongregasion kadagiti babbalasang ni Sister Myint?
Ania dagiti praktikal a pamay-an a maipakitam nga ipatpategmo dagiti sister iti kongregasionyo?