Agpatingganto Met Laeng Amin a Pakasuotan

Naglakatayo laeng a maupay no adda dagiti problematayo, lalo no nabayagen dagita. Ammo ni David a malpasto met laeng ti problemana ken Ari Saul ken agbalinto nga ari kas inkari ni Jehova. (1Sm 16:13) Nakatulong ti pammati ken David tapno makapaganus ken makapaguray ken Jehova.

No adda problematayo, makatulong ti sirib, pannakaammo, wenno abilidad nga agpanunot tapno mabaliwantayo ti situasiontayo. (1Sm 21:12-14; Pr 1:4) Ngem no dadduma, uray inkagumaantayo a sinurot dagiti prinsipio ti Biblia, agtultuloy latta ti problema. No kasta, agan-anustayo ken urayentayo nga agtignay ni Jehova. Dandaninan ikkaten ti amin a mangparparigat kadatayo ken “punasennanto ti amin a lua” kadagiti matatayo. (Apo 21:4) Maikkat man ti problematayo gapu iti tulong ni Jehova wenno iti dadduma a rason, daytoy ti sigurado: Agpatingganto met laeng amin a pakasuotan. Makaliwliwa dayta kadatayo.

BUYAEN TI VIDEO NGA AGKAYKAYSA A TATTAO ITI LUBONG NGA AWANAN PANAGKAYKAYSA, SA SUNGBATAN DAGITOY:

• Ania dagiti problema a sinango ti dadduma a Kristiano iti makin-abagatan a United States?

• Kasanoda nga impakita ti anus ken ayat?

• Kasanoda a nakapagpokus iti “napatpateg a bambanag”?​—Fil 1:10