Biroken ti Sirib a Makatulong iti Inaldaw a Panagbiag iti JW.ORG

Adda amin iti Sao ti Dios ti makatulong kadatayo tapno kabaelantayo a sanguen dagiti problematayo kadagitoy narigat a maudi nga al-aldaw. (2Ti 3:1, 16, 17) Ngem no dadduma, mabalin a kasapulantayo latta iti tulong a mangbirok kadagiti prinsipio iti Biblia nga agaplikar iti espesipiko a situasion. Kas pagarigan, maysaka kadi a nagannak nga agbirbirok iti pammagbaga no kasano ti mangpadakkel kadagiti annak? Maysaka kadi a tin-edyer a masubsubok ti pammatina? Agladladingitka kadi gapu ta natay ti asawam? Makabirokka kadagiti espesipiko a prinsipio ti Biblia iti jw.org tapno mapagballigiam dagitoy ken ti dadduma pay a situasion.​—Pr 2:3-6.

Iti home page ti jw.org, piliem ti tab a PANNURSURO TI BIBLIA. (Kitaem ti ladawan 1.) Manipud iti drop-down list, piliem ti kategoria a kayatmo. Wenno piliem ti LIBRARIA > ARTIKULO NGA ADDAAN SERYE ken ti kategoria a kayatmo. (Kitaem ti ladawan 2.) Makitam met laeng dagita a kategoria iti JW Library^®.a Mabalin a ma-enjoy-mo uray laeng ti panang-browse kadagitoy nga artikulo. Ti maysa pay nga opsion ket ti panangbirok iti espesipiko a topiko babaen ti search feature iti jw.org.

I-type dagitoy a topiko iti search box, ken ilistam dagiti artikulo a kayatmo a basaen.

• Panangpadakkel kadagiti ubbing

• Depresion kadagiti tin-edyer

• Ipapatay ti asawa