Panagasawa​—Tungpal-Biag a Panagkadua

Dagiti naballigi a Kristiano nga agassawa maidaydayawda ni Jehova ken naragsakda. (Mr 10:9) Tapno maaddaan dagiti Kristiano iti agpaut ken naragsak a panagasawa, masapul a surotenda a naimbag dagiti prinsipio ti Biblia no agpilida iti pakiasawaanda.

Saanka pay laeng koma a makiinnarem no di pay ‘limbes ti kinaagtutubom,’ ti tiempo a napigsa dagiti seksual a rikna a mabalin a mangapektar iti panagdesisionmo. (1Co 7:36) Nainsiriban nga usarem ti tiempo a single-ka tapno pabilgem ti relasionmo iti Dios ken tapno mapatanormo dagiti Nakristianuan a kualidad. Iti kasta, ad-adu ti maaramidam tapno naballiginto ti panagasawam.

Sakbay a makitulagka nga agkasar, saanka koma nga agap-apura tapno maam-ammom ti ‘makin-uneg a kinatao ti pusona.’ (1Pe 3:4) No adda makitam a serioso a problema, pagsaritaanyo dayta iti planom a pakiasawaan. Kas iti dadduma a relasion, ti panagasawa ket nakapokus iti no ania ti maitedmo, saan laeng nga iti no ania ti maalam. (Fil 2:3, 4) No iyaplikarmo dagiti prinsipio ti Biblia sakbay a makiasawaka, mangar-aramidka iti nasayaat a pundasion iti naragsak a panagasawa.

BUYAEN TI VIDEO A PANAGSAGANA PARA ITI PANAGASAWA—PASET 3: ‘KUENTAEN TI MAGASTOS,’ SA SUNGBATAN DAGITOY:

• Idi damo, kasano ti relasion ti maysa a sister iti boyfriend-na a ni Shane?

• Ania ti nadlawna iti panagtultuloy ti relasionda?

• Kasano a tinulongan dagiti nagannakna, ken ania ti nasayaat a desisionna?